پاک ایران سرحد پرایک اور بارڈر کراسنگ کھل گئی

گبد ریمدان کراسنگ نقل و حرکت اور تجارتی روابط کیلئے استعمال ہوگی
کوئٹہ (نیوز ڈیسک) پاکستان اور ایران کے درمیان گبد ریمدان کے مقام پرایک اور بارڈر کراسنگ کھل گئی ، افتتاحی تقریب میں وزیر دفاعی پیداوار محترمہ زبیدہ جلال اور وزیر برائے روڈز اور اربن ڈیولیمپنٹ محمد سلامی نے شرکت کی ،ایرانی بلوچستان وسیستان کے گورنر سید احمد علی مجتبیٰ اور ایران میں پاکستان کے سفیر رحیم حیات قریشی سمیت دونوں ممالک کے اعلیٰ حکام شریک ہوئے ،نئی بارڈر کراسنگ کی وجہ سے اردگرد کے علاقوں کے رہائشی لوگوں کا معیار زندگی بلند ہوگا، نئی کراسنگ دونوں ممالک کے لوگوں کی نقل و حرکت اور تجارتی و معاشی روابط کو بڑھانے میں مددگار ثابت ہوگی محترمہ زبیدہ جلال کا اس موقع پر کہنا تھا کہ دوطرفہ تجارت اور معاشی سرگرمیوں میں اس کراسنگ کے شروع ہونے سے خاطر خواہ اضافہ ہوگا اور سرحدی باڑ لگانے سے سلامتی کی صورت حال بھی بہتر ہوگی