طالبان سے تعلقات کا انحصار ان کے رویے پر ہوگا، ولی امر المسلمین

تہران : ولی امر المسلمین آیت اللہ خامنہ ای نے کہا ہے کہ مستقبل میں ایران اور افغانستان کے تعلقات کا انحصار طالبان کے رویے پر ہوگا کہ وہ ایران سے کیسے تعلقات چاہتے ہیں، نومنتخب صدر ابراہیم رئیسی اور کابینہ کے ساتھ ملاقات میں آیت اللہ خامنہ ای نے کہا کہ ہم افغان عوام کے حامی ہیں، حکومتیں آتی جاتی رہتی ہیں لیکن افغان قوم یہیں ہے، انہوں کابل ائرپورٹ حملے پر دکھ کا بھی اظہار کیا اور افغانستان کے حالات کا ذمہ دار امریکا کو قرار دیا، ان کا کہنا تھا کہ یہ تمام بحران امریکا کی وجہ سے ہوا ہے جس نے 20 سال سے افغانستان پر قبضہ اورلوگوں پرجبرمسلط کیا ہوا تھا، امریکا نے شادیوں اور جنازوں پر بمباری کی، نوجوانوں کو قتل کیا اور ہزاروں افراد کو بلا قصور حراست میں لیا، 20 سال میں افغانستان نے ذرا سی بھی ترقی نہیں کی۔