امام کعبہ کے اسرائیل سے تعلقات کے حق میں دلائل

 پیغمبر اسلام یہودیوں کے ساتھ اچھا برتاو ¿ کرتے تھے، کسی غیر مسلم سے محبت نہ کرنے کا مطلب یہ نہیں کہ اس سے اچھا رویہ اختیار نہ کیا جائے، عبدالرحمن السدیس
سعودی عرب نے اسرائیل کیلئے فضائی حدود کھول دیں، سعودی عرب امن کیلئے امریکی کوششوں کو سراہتا ہے،سعودی فرمانروا شاہ سلمان کی ٹرمپ کو یقین دہانی
مکہ المکرمہ (نیوزڈیسک) امام کعبہ عبدالرحمن السدیس کے یہودیوں سے تعلقات کے حق میں دلائل نے لوگوں کو برہم کردیا اور انہوں نے سوشل میڈیا پر امام کعبہ کی مذمت کرتے ہوئے ان کے بیان کو صہیونیوں کے ساتھ تعلقات استوار کرنے کی راہ ہموار کرنے کی کوشش قرار دیا ہے ،امام کعبہ نے جمعہ کے خطبہ میں کہا تھا کہ پیغمبر اسلام صلی اللہ علیہ و آلہ و سلم یہودیوں کے ساتھ اچھا برتاو ¿ کرتے تھے، کسی غیر مسلم سے محبت نہ کرنے کا مطلب یہ نہیں کہ اس کے ساتھ اچھا رویہ اختیار نہ کیا جائے، لوگ انفرادی اور عالمی تعلقات میں قلبی عقیدے اور عملی رویے کو صحیح طریقے سے سمجھ نہیں پاتے، ایک جانب تو امام کعبہ اسرائیل سے تعلقات کے حق میں دلائل دے رہے ہیں جبکہ دوسری جانب سعودی فرماروا شاہ سلمان بن عبدالعزیز نے امریکی صدر ٹرمپ کو یقین دہانی کرائی ہے کہ سعودی عرب امن کیلئے امریکی کوششوں کو سراہتا ہے، اور چاہتا ہے کہ مسئلہ فلسطین کو شفاف طریقے سے حل کیا جائے ، ادھرسعودی عرب نے اسرائیل کیلئے اپنی فضائی حدودبھی کھول دی ہیں اور اسرائیلی پروازیں سعودی عرب کی فضاو ¿ں سے گذر کرعرب امارات جارہی ہیں۔