Raza Musani 
نابلس: مغربی کنارے میں صیہونی آباد کاروں نے اسکول پر حملہ کرکے کلاس روم کو آگ لگا دی۔ اسکول جلانے کا یہ واقعہ نابلس کے جنوب میں واقع گاؤں عریف میں پیش آیا۔ آباد کاروں کا ایک گروپ رات گئے قریبی اسرائیلی بستی سے فلسطینی آبادی میں گھسا اور ایک اسکول پر حملہ کیا ۔ آبادکاروں نے کھڑکیوں کے شیشے توڑے اور کلاس روم کو آگ لگا دی۔ ادھر ہفتے کو صیہونی فوجیوں کی فائرنگ سے زخمی ایک اور فلسطینی نوجوان جام شہادت نوش کرگیا۔ محمد احمد شملاوی سلفیت گاؤں میں فوجیوں کی فائرنگ سے زخمی ہوا تھا۔
