Raza Musani 
رام اللہ : صیہونی آبادکاروں نے مغربی کنارے میں مسجد کو آگ لگادی۔ آباد کاروں نے صبح سویرے مغربی کنارے کے شمالی علاقے سلفیت کے قریب دیر استیہ پر دھاوا بولا اور علاقے کی حجہ حمیدہ مسجد کو آگ لگا دی۔
نمازی نماز فجر کیلئے مسجد پہنچے تو دروازہ ٹوٹا ہوا اور اندر شعلے بھڑکتے ہوئے پائے۔ آگ نے قرآنی نسخے اور مذہبی کتابیں بھی جلادیں۔ مقامی افراد کے مطابق مسجد کے اندر جلانے والا مواد پھینکا گیا اور دیواروں پر نسل پرستانہ نعرے اور نبی اکرم ﷺ کے خلاف توہین آمیز الفاظ لکھے گئے۔
فلسطینی وزارت اوقاف نے حملے کو وحشیانہ جرم قرار دیا اور کہا کہ عبادت گاہوں پر یہ حملے منظم اسرائیلی پالیسی ہیں جو فلسطینیوں کو ڈرانے کے لیے کی جا رہی ہیں۔
اقوام متحدہ کے سربراہ انتونیو گوتریس نے واقعہ کو قطعی ناقابل قبول قرار دیا ہے۔اردن، جرمنی، سوئٹزرلینڈ سمیت مختلف ممالک نے واقعہ کی مذمت کی ہے۔
