صیہونی رکن پارلیمنٹ کا فلسطینیوں کو گولی مارنے پر زور

مشرقی یروشلم: انتہا پسند صیہونی رکن پارلیمنٹ اتمار بین گیور نے فلسطینیوں کو گولی مارنےکا اشتعال انگیز مطالبہ کردیا۔ اتمار بین گیور مقبوضہ مشرقی القدس میں لوڈڈ پستول لہراتے ہوئے نکل آیا اور صیہونی آباگاروں پرزور دیا کہ جو فلسطینی پتھراؤ کرے اسے گولی ماردیں۔ ہم زمین کے مالک ہیں۔ یاد رکھیں میں آپ کا مالک ہوں۔ اتمار نے علاقے میں موجود فلسطینیوں کو دھمکایا کہ انہیں پوری قوت سے کچل دیا جائے گا۔ اس سے پہلے صیہونی فوجیوں نے غرب اردن کے جنین کیمپ میں فائرنگ کرکے ڈاکٹر سمیت دو فلسطینیوں کو شہید کردیا۔ علاقے پر چڑھائی کے دوران صیہونیوں فوجیوں اور فلسطینیوں کے ساتھ شدید جھڑپیں ہوئیں۔