Raza Musani 
غزہ : اسرائیلی جنگی طیاروں نے غزہ سٹی میں بے گھر فلسطینیوں کو پناہ دینے والے اقوام متحدہ کے دو اسکولوں پر بم برسادئے۔ صبح سے جاری صیہونی فوج کے حملوں میں شہدا کی تعداد تئیس ہوگئی۔ صیہونی فوج نے غزہ سٹی کے شمال میں دو اسکولوں کو نشانہ بنایا۔ جس میں کئی قیمتی جانیں ضائع ہوئیں۔ صیہونی فوج نے خان یونس۔ دیر البلاح۔ بیت حنون اور دیگر علاقوں میں خیموں۔ رہائشی مقامات اور لوگوں کے ہجوم کو نشانہ بنایا حملوں میں شہید افراد کی نو لاشیں الشفا میڈیکل کمپلیکس، تین الاہلی عرب اسپتال۔ چھ العودہ اسپتال اور تین کو الاقصیٰ شہداء اسپتال لایا گیا۔
وادی غزہ میں امداد کی تقسیم کے مقام کے قریب فائرنگ سے چار فلسطینی شہید اور دیگر زخمی ہوگئے۔ سات اکتوبر 2023 سے جاری نسل کشی میں شہدا کی مجموعی تعداد چونسٹھ ہزار آٹھ سو کے قریب جاپہنچی ہے۔
ادھر بھوک کی شدت سے دو بچوں سمیت سات افراد شہید ہوگئے۔
