ژوب حملے، طالبان حکومت نے پاکستانی الزامات مسترد کردئے

کابل : افغانستان کی طالبان حکومت نے پاکستان کے الزامات مسترد کرتے ہوئے کہا ہے کہ ایسے دعوے کسی کے مفاد میں نہیں ہیں۔ طالبان ترجمان ذبیح اللہ مجاہد نے کہا کہ 12 جولائی کو پاکستانی شہر ژوب میں فوجی اڈے پر حملے میں افغان شہریوں کے ملوث ہونے کا الزام بے بنیاد ہے۔ ایسے دعوے کسی بھی ملک یا عوام کے مفاد میں نہیں ہیں۔ انہوں نے کہاکہ افغانستان پاکستان سمیت کسی بھی ملک کے لیے خطرہ نہیں ہے۔ افغان حکومت اپنی سرزمین کسی دوسرے ملک کیخلاف استعمال کرنے کی اجازت نہیں دیتی ہے۔ انہوں نےکہا کہ اگر کسی کو تشویش ہے تو معاملہ ذمہ دارعناصر کے سامنے اٹھائے۔ نہ کہ میڈیا میں غیر ضروری دعوے کرکے لوگوں کے ذہنوں کو الجھایا جائے۔ اس سے پہلے پاکستانی وزارت خارجہ نے دعویٰ کیا تھا ہے کہ 12 جولائی کے حملے میں ملوث 3 دہشت گردوں کی شناخت افغان شہریوں کے طور پر ہوئی ہے۔ ان کا تعلق افغانستان کے صوبہ قندھار سے تھا۔