Raza Musani 
صنعا : ایک یمنی ویب سائٹ کا کہنا ہے کہ امریکا یمن کے تیل سے مالا مال ساحلوں پر قبضہ کرنا چاہتا ہے۔ ویب سائٹ نے امریکی وفد کے دورہ حضرموت کے بعد لکھا کہ امریکی وفود کے اس صوبے خصوصاً ساحلی شہروں کے دورے، یمن کے تیل سے مالا مال علاقوں میں امریکا کے عزائم کو ظاہر کرتے ہیں۔رپورٹ کے مطابق اتوار کو ایک امریکی وفد "سول افیئرز ٹیم” کی آڑ میں یمن کے "حضرموت” کے علاقے "بروم” میں داخل ہوا اور مقامی حکام سے ملاقات کی۔امریکی افواج کی سول افیئرز ٹیم کے عنوان سے اور سروس پروجیکٹس کے معائنے کے بہانے امریکی وفد کا ساحلی شہر بروم کا دورہ، ان عزائم کی حقیقت اور یمن میں ایک فوجی اڈہ قائم کرنے، ساحلوں اور تزویراتی مقامات پر تسلط قائم کرنے کے امریکہ کے دشمنانہ عزائم کو ظاہر کرتا ہے – ویب سائٹ نے اس بات پر زور دیا کہ یہ کارروائی یمن کے خلاف جارحیت کے حقیقی اہداف کو ظاہر کرتی ہے اور باقی صرف ان اہداف کو عملی جامہ پہنانے کے ہتھیار ہیں۔
