Raza Musani 
صیہونی فون نے غزہ سٹی میں غیر معمولی طاقت استعمال کرنا شروع کردی ہے۔ صبح سے جاری بمباری اور گولہ باری سے چھبیس فلسطینی شہید اور کئی زخمی ہوگئے۔
صیہونی فوج نے غزہ سٹی کے وسط کے قریب شدید حملے کئے ہیں۔ اسکول پر کئے گئے حملے میں دو بچوں سمیت چار فلسطینی شہید اور کئی زخمی ہوئے۔ خان یونس اور دیرالبلاح میں دو رہائشی عمارتوں کو نشانہ بنایا گیا جس میں سات افراد شہید اور کئی زخمی ہوئے۔ دیگر علاقوں میں بھی فضائی اور زمینی حملوں میں مکانات، خیموں اور رہائشی مقامات کو حملوں کا نشانہ بنایا گیا۔ حملوں میں بڑے پیمانے پر جانی نقصان ہوا ہے۔
صیہونی فوجی نقل مکانی کرنیوالوں کو بھی نشانہ بنارہی ہے۔ شدید بمباری اور گولہ باری سے بچنے کیلئے لوگ جنوب کی جانب فرار ہورہے ہیں۔ غزہ میں سرکاری میڈیا کے مطابق غزہ سٹی کی آدھی آبادی خالی ہوچکی ہے۔
