Raza Musani 
نیویارک : امریکا نے سلامتی کونسل میں غزہ میں فوری جنگ بندی کی قرارداد ایک بار پھر ویٹو کردی۔ قرارداد میں غزہ میں فوری جنگ بندی۔ امداد کی محفوظ اور بلا رکاوٹ رسائی کا مطالبہ کیا گیا تھا۔ ۔سلامتی کونسل کے پندرہ میں سے چودہ ارکان نے قرارداد کے حق میں جبکہ امریکا نے مخالفت میں ووٹ دیا۔ امریکی نمائندے نے مضحکہ خیز مؤقف اختیار کرتے ہوئے کہا کہ یہ قرارداد حماس کی مذمت کرنے یا اسرائیل کے دفاع کے حق کو تسلیم کرنے میں ناکام ہے اور یہ حماس کے حق میں جھوٹے بیانیے کو غلط طور پر جائز قرار دیتی ہے۔ امریکا متعدد بار غزہ میں جنگ بندی سے متعلق سلامتی کونسل کی قراردادوں کو مسترد کرچکا ہے۔
