امریکا کا تسلط پسندانہ نظام پوری طرح سے ناکام ہو چکا ہے، ایرانی صدر کا یو این جنرل اسمبلی سے خطاب

تہران : ایران کے صدر ابراہیم رئیسی کا کہنا ہے کہ امریکا اپنی ساکھ کھوچکا ہے، واشنگٹن کے پاس اپنی اجارہ داری قائم کرنے کا کوئی جواز نہیں، کانگریس کی عمارت پر حملہ اور امریکی طیارے سے افغان شہریوں کے گرنے کے مناظر، یعنی کیپٹل ہل سے لے کر کابل تک کے واقعات سے پوری دنیا کو ایک ہی پیغام ملا ہے کہ امریکا کا تسلط پسندانہ نظام خواہ کے ملک اندر ہو یا باہر ، پوری طرح سے ناکام ہو چکا ہے، اقوام متحدہ کی جنرل اسمبلی سے خطاب میں ایرانی صدر نے کہا کہ عراق اور افغانستان میں آج امریکا کا کوئی وجود نہیں حتی کہ اسے باہر نکال دیا گیا، افغانستان سے امریکی فوج کا انخلا ہو چکا اور عراق سے بھی بڑی تعداد میں اپنے ملک لوٹ گئی، دنیا آج امریکہ کو ترجیح نہیں دیتی، انہوں نے کہا کہ کورونا وبا کے دوران ایران پر پابندیاں عائد کرکے امریکا نے انسانیت کے خلاف جرم کا ارتکاب کیا ہے، ایران مذاکرات کیلئے تیار ہے جو ظالمانہ پابندیوں کے خاتمے کیلئے مفید ثابت ہو سکیں۔