Raza Musani 
جنیوا : اقوام متحدہ کی ایجنسی انروا نے خبردار کیا ہے کہ مشرقی یروشلم میں اس کی طویل مدتی موجودگی ختم ہونے کے قریب ہے۔ اسکول، صحت کے مراکز اور دیگر ضروری سہولیات متاثر ہوں گی۔
مغربی کنارے میں انروا کے ڈائریکٹر رولینڈ فریڈرش نے بتایا کہ اسرائیلی فورسز نے انروا کے ہیلتھ سینٹر میں زبردستی داخل ہو کر اس پر موجود اقوام متحدہ کے نشانات ہٹانے کا مطالبہ کیا۔ اس کے بعد ہیلتھ سینٹر کو تیس دن کے لیے عارضی طور پر بند کرنے کا حکم دیا گیا۔ فریڈرش نے خبردار کیا کہ بجلی اور پانی کی سپلائی میں رکاوٹیں انسانی خدمات کو شدید متاثر کریں گی، جس سے اسکول، صحت کے مراکز اور دیگر ضروری سہولیات متاثر ہوں گی۔ انہوں نے کہا کہ گذشتہ ماہ اسرائیلی پارلیمنٹ میں قانون سازی سے انروا کی مغربی کنارے میں دہائیوں پر محیط موجودگی کا خاتمہ ہوجائے گا۔
