Raza Musani 
جنیوا :اقوام متحدہ کی امدادی ایجنسی انروا نے غزہ کی صورتحال کو تباہ کن قرار دیتے ہوئے فوری امداد کی بحالی پرزور دیا ہے۔
انروا کے ترجمان عدنان ابو حسنا نے کہا ہےکہ ہزاروں خاندان سخت موسم میں غیر محفوظ خیموں میں رہنے پر مجبور ہیں۔ ایجنسی کے پاس دس لاکھ افراد کے لیے کافی کمبل، گدے اور خیمے موجود ہیں، مگر اسرائیلی پابندیوں کی وجہ سے ان تک رسائی مشکل ہے۔
انہوں نے کہا کہ غزہ کی تباہی کی سطح ناقابل بیان ہے جہاں رفح جیسے شہر مکمل طور پر ختم ہو چکے ہیں، جبکہ بیت حنون اور بیت لاہیہ بھی تباہی سے دوچار ہیں۔ بغیر پھٹے بم شہریوں کے لیے سنگین خطرہ ہیں۔ انہوں نے بین الاقوامی تعاون بڑھانے اور انروا کی مدد کو عالمی برادری کی ذمہ داری قرار دیا۔
