ترکی عراق سے فوج فوری واپس بلائے ،ہادی العامری

 ترکی شام کی مانند عراق میں سیکورٹی بیلٹ قائم کرنے کی کوشش کر رہا ہے
بغداد (نیوز ڈیسک) عراقی پارلیمنٹ میں فتح الائنس کے سربراہ ہادی العامری نے شمالی عراق میں ترکی کے خطرناک منصوبے کا راز فاش کرتے ہوئے انقرہ سے مطالبہ کیا ہے کہ وہ عراق سے اپنے فوجیوں کو فوری طور پر واپس بلائے، عراق پر ترکی کا حملہ ایسے خطرناک حالات کی گواہی دے رہا ہے جس سے پتہ چلتا ہے کہ ترکی، شمالی شام کی مانند عراق میں سیکورٹی بیلٹ قائم کرنے کی کوشش کر رہا ہے ہادی العامری نے شمالی عراق میں ترکی کے مخاصمانہ اقدامات کو دونوں ملکوں کے اقتصادی تعلقات اور دینی و تاریخی رشتوں کے منافی قرار دیا اور ترکی سے مطالبہ کیا کہ وہ عراق سے اپنے فوجیوں کو فوری طور پر واپس بلالے