Raza Musani 
واشنگٹن : امریکا کے جنگی جنونی صدر ڈونلڈ ٹرمپ نے وینزویلا کے بعد کولمبیا۔ میکسیکو اور کیوبا کو بھی دھمکیاں دے دیں۔ خبردار کیا کہ کولمبیا میں بیمار آدمی حکومت چلارہا ہے۔ وہ زیادہ عرصے تک حکومت نہیں کرسکے گا۔ کیوبا کی حکومت بھی جلد گرجائے گی۔ میکسکو کے معاملے پر کچھ نہ کچھ کرنا ہوگا۔
صحافیوں سے گفتگو میں ڈونلڈ ٹرمپ نے کہا کہ کولمبیا اور وینزویلا دونوں بہت بیمار ہیں۔ بوگوٹا میں حکومت ایک بیمار شخص کے ذریعہ چلائی جا رہی ہے جو کوکین بنانا اور اسے امریکا میں بیچنا پسند کرتا ہے۔ لیکن وہ یہ کام لمبے عرصے تک نہیں کر سکے گا۔ کولمبیا میں براہ راست فوجی کارروائی سے متعلق ٹرمپ نے کہا کہ ایسی بات خوش کُن لگتی ہے۔
