ایران پر اسرائیل کے ابتدائی حملے کا انچارچ میں خود تھا، ٹرمپ کا اعتراف

واشنگٹن : امریکی صدر ڈونلڈ ٹرمپ نے اپنے سابقہ مؤقف کے برعکس اعتراف کیا ہے کہ ایران پر اسرائیل کے ابتدائی حملے کے انچارچ وہ خود تھے اور کارروائی کی مکمل نگرانی کررہے تھے۔
واشنگٹن میں صحافیوں سے گفتگومیں صدر ٹرمپ نے کہا کہ 13 جون کو ایران پر اسرائیلی حملہ اسرائیل کے لیے ایک عظیم دن تھا کیونکہ اس سے ایران کے فوجی ڈھانچے کو شدید نقصان پہنچا اور ایرانی جرنیلوں اور سائنسدانوں کو شہید کیا گیا۔ ٹرمپ کے بیان نے واشنگٹن کی اس سابقہ موقف کی تردید کر دی ہے جس کے مطابق اسرائیل نے یہ کارروائی یکطرفہ طور پر کی تھی۔ ٹرمپ نے یہ دعویٰ بھی کیا کہ ایران نے واشنگٹن سے اقتصادی پابندیاں اٹھانےکی درخواست کی ہے۔ وہ اس امکان پر غور کرنے کے لیے تیار ہیں۔ ٹرمپ نے کہا کہ ایران پر بہت سخت پابندیاں عائد ہیں، جس کی وجہ سے ان کے لیے بہت کچھ کرنا مشکل ہو گیا ہے۔