غزہ کی تباہی کے ذمہ داران کو جوابدہ ٹھہرایا جانا چاہیے، اسپین

میڈرڈ : اسپین کے وزیراعظم پیڈرو سانچیز نے کہا کہ غزہ میں نقصانات کے ذمہ داران کو جوابدہ ٹھہرایا جانا چاہیے۔ فلسطینی صدر محمود عباس کے ساتھ ملاقات میں ہسپانوی وزیراعظم نے کہا کہ دو ہزار پچیس فلسطینی عوام کے لیے انتہائی بھیانک سال رہا، جہاں نو میں سے دس گھر ناقابلِ رہائش ہو چکے اور ہزاروں زندگیاں تباہ ہو گئی ہیں۔ انہوں نے کہا کہ جنگ بندی کے باوجود شہری اب بھی حملوں کا شکار ہیں اور اس نسل کشی کے ذمہ داران کو جوابدہ ٹھہرایا جانا چاہیے۔ سانچیز نے دو ریاستی حل کے عزم کا اعادہ کیا اور فلسطینی بحران کو عالمی سطح پر برقرار رکھنے، فلسطینی اتھارٹی کی حمایت اور بین الاقوامی شراکت داروں کے ساتھ سکیورٹی کے حالات قائم کرنے پر زور دیا۔