سوڈان میں بدترین نسلی فسادات، 150 سے زائد افراد ہلاک، درجنوں زخمی

خرطوم: سوڈان میں دو دن سے جاری نسل فسادات میں ڈیڑھ سو سے زیادہ افراد ہلاک اور درجنوں زخمی ہوگئے۔چسوڈان کی جنوبی ریاست بلیو نیل میں یہ جھڑپیں بدھ کو دو گروپوں کے درمیان زمین کے تنازع پر شروع ہوئیں۔ دونوں گرپوں نے فائرنگ کی اور مخالفین کے گھروں کو جلادیا۔ ہلاک افراد میں عورتیں اور بچے بھی شامل ہیں۔ یہ خونریزی حالیہ مہینوں کا ایک بدترین واقعہ ہے۔ بدترین فسادات کیخلاف بلیو نیل کے دارالحکومت دمازین میں لوگ سڑکوں پر نکل آئے اور تنازعے کی مذمت کرتے ہوئے نعرے لگائے ۔ اس موقع پر پولیس سے جھڑپیں بھی ہوئیں۔ رواں سال فسادات میں سینکڑوں افراد ہلاک ہو چکے ہیں۔