Raza Musani 
کابل : افغانستان میں طالبان حکومت کے قیام کے بعد کمرشل پروازیں شروع ہوگئیں ، کابل سے پہلی غیر ملکی کمرشل پرواز روانہ ہوگئی ، پاکستان کی قومی ائیر لائن (پی آئی اے) دنیا کی پہلی ائیر لائن ہے جس کی مسافر پرواز طالبان حکومت کے قیام کے بعد سب سے پہلے کابل پہنچی اور پھر کابل سے واپس اسلام آباد پہنچ گئی ، کابل پہنچنے والی پرواز میں صرف 10مسافر سوار تھے جن میں بیشتر عملے کے ارکان تھے ، جبکہ اسلام آباد پہنچنے والی پرواز میں70افراد سوار تھے جن میں غیر ملکی امدادی اداروں میں کام کرنے والے افراد کے رشتہ دار بھی شامل تھے۔
