غاصب اسرائیلی فوج نے فائرنگ کر کے ایک اور فلسطینی کو شہید کردیا

رام اللہ : صیہونی فوجیوں نے رام اللہ کے قریب فائرنگ کرکے ایک اور فلسطینی کو شہید کردیا۔ صیہونی فورسز نے مقبوضہ مغربی کنارے میں رام اللہ کے قریب بیتین گاؤں پر دھاوا بولا اور شہریوں کو تشدد کا نشانہ بنایا۔ گاؤں کے مرکزی دروازے کے قریب فائرنگ کے نتیجے میں ایک فلسطینی نوجوان شہید ہوگیا۔ اسرائیلی ذرائع نے دعویٰ کیا ہے کہ فلسطینی نے اسرائیلی فوجیوں پر ہتھوڑے سے حملہ کیا تھا۔جس سے فوجی کے چہرے پر ہلکے زخم آئے۔ جائے وقوعہ پر اس کا علاج کیا گیا۔ فوجیوں نے رام اللہ کے مختلف گاؤں اور مغربی کنارے کے متعدد علاقوں پر چھاپے مارے اور متعدد فلسطینیوں کو گرفتار کرلیا ہے۔