غزہ کی صورتحال تباہ کن سے بھی آگے نکل چکی ہے، اقوام متحدہ

جنیوا : اقوام متحدہ کے سربراہ انتونیو گوتیرس کے ترجمان اسٹیفن دوجارک نے خبردار کیا ہے کہ غزہ کی صورتحال تباہ کن سے بھی آگے نکل چکی ہے۔فوری طور پر امداد پہنچانے کی ضرورت ہے۔
اقوام متحدہ کے سربراہ کے ترجمان اسٹیفن دوجارک نے جنیوا میں نیوز کانفرنس میں کہا کہ اسرائیل کی جانب سے مسلط کردہ قحط کے سبب اموات سے بچنے کیلئے رضاکاروں کو اکیس لاکھ لوگوں کو تمام دستیاب کراسنگ اور سڑکوں کے ذریعے بڑے پیمانے پر خوراک پہنچانے کے قابل ہونا چاہیے۔ دوجارک نے کہا کہ اسرائیلی حکام کی جانب سے غزہ شہر میں اپنی عسکری سرگرمیوں میں تیزی سے توسیع کے اعلان پر تشویش ہے۔
دوجارک نے کہا کہ ہمیں اسرائیلی حکام کی جانب سے غزہ شہر میں اپنی عسکری سرگرمیوں میں تیزی سے توسیع کے اعلان پر تشویش ہے۔ دوجارک نےکہاکہ پورے غزہ شہر پر قبضہ کرنے کیلئے آپریشنز کو وسعت دینا ہزاروں لوگوں کو ایک بار پھر جنوبی غزہ کے گنجان آباد علاقے میں منتقل کرنے کا باعث بنے گا۔ جس میں خوراک، پانی اور طبی خدمات سمیت بنیادی ڈھانچے اور خدمات کا بھی فقدان ہے۔