کانگو میں اقوام متحدہ مشن کیخلاف احتجاج پرتشدد ہوگیا، 48 افراد ہلاک، 75 زخمی

گوما: افریقی ملک ڈی آر کانگو میں اقوام متحدہ مشن کیخلاف احتجاج پرتشدد ہوگیا۔ فائرنگ سے 48 افراد ہلاک۔ 75 زخمی ہوگئے۔
کانگو کے دارالحکومت گوما میں فوجیوں نے مذہبی فرقے کو اقوام متحدہ کے امن دستوں کے خلاف مظاہرہ کرنے سے روک دیا۔ فوجی مظاہرین کےخلاف کارروائی کرتے ہوئے ایک ریڈیو اسٹیشن اور عبادت گاہ میں گھس گئے۔ اس موقع پر مسلح جھڑپوں میں کئی افراد ہلاک اور زخمی ہوئے۔ ابتدائی طور پر دس ہلاکتوں کی تصدیق کی گئی تاہم اب سرکاری طور پر بتایا گیا ہے کہ
جھڑپوں میں 48 افراد ہلاک اور 75 زخمی ہوگئے۔ فوجیوں نے بہت سے تیزدھار ہتھیاروں کو قبضے میں لیا اور 168 افراد کو گرفتار کیا، جن میں عیسائی دشمن فرقے کے رہنما بھی شامل ہیں ۔ ہیومن رائٹس واچ نے ایک بیان میں کہاکہ کانگو کی سیکورٹی فورسز نے درجنوں مظاہرین کو گولی مار کر ہلاک اور سینکڑوں کو زخمی کر دیا۔ تنظیم نے کہا کہ غیر قانونی مہلک طاقت کے استعمال کا حکم دینے والے اعلیٰ فوجی حکام کو معطل، تحقیقات اور منصفانہ اور عوامی مقدمات میں جوابدہ ٹھہرایا جانا چاہیے۔