صیہونیوں کا مقابلہ کرنے کا واحد راستہ مسلح جد و جہد حریت پسند اٹھ کھڑے ہوں تو اسرائیل کی بساط لپٹ جائے گی

غزہ(نیوز ڈیسک) حماس کے سربراہ اسماعیل ہنیہ نے کہا ہے کہ صیہونیوں کی سازشوں کا مقابلہ کرنے کا واحد راستہ مسلح جد و جہد ہے ، بیت المقدس کو دوسرے مقدس مقامات کی نسبت یہودیت کا رنگ دیئے جانے کا زیادہ خطرہ لاحق ہے ، حماس کے رہنما نے کہا کہ اگر دنیا کی تمام حریت پسند قومیں اورعوام اٹھ کھڑے ہوں اور سیاسی رہنما صحیح موقف اختیار کریں تو اسرائیل جیسے موذی مرض کی جلد ہی بساط لپٹ جائے گی ، حماس کے رہنما خالد قدومی نے کہا کہ خطے کے کچھ عرب ممالک صیہونی حکومت کیساتھ اپنے ثقافتی تعلقات کو معمول پر لانے کی کوشش کر رہے ہیں جبکہ انہیں یہ پتہ ہونا چاہئے کہ تعلقات کو معمول پر لانے سے ان کا کوئی فائدہ نہیں ہوگا۔