Raza Musani 
برسلز : انسانی حقوق کی یورپی سعودی تنظیم نے سعودی ولی عہد بن سلمان کی اعلان کردہ اصلاحات کو نمائشی اقدام قرار دیا ہے اور کہا ہے کہ بلاجواز گرفتاریوں سے لیکر انسانی حقوق کے کارکنوں کو دی گئی طویل المدت سزاؤں، غیر منصفانہ پھانسیوں، جبری بے دخلی اور شہری حقوق کے لیے کام کرنے والی تنظیموں کے خلاف کریک ڈاون سمیت بڑے پیمانے پر انسانی حقوق کی خلاف ورزیاں اس بات کی نشاندھی کرتی ہیں کہ حالیہ تبدیلیوں کو مثبت اور اصلاحات کا نام دینا درست نہیں ہے۔ بیان میں واضح کیا گیا ہے کہ سعودی حکومت پچھلے پانچ برس سے جن اصلاحات کا ڈھنڈورا پیٹ رہی ہے اس میں سر قلم کیے جانے کے احکامات میں دوگنا اضافہ شامل ہے اور سزائے موت کے ایک ہزار سے زائد احکامات کم عمر کے بچوں کے لیے جاری کیے گئے ہیں۔
