رابط العالم الاسلامی کے سربراہ اسرائیل کے وکیل بن گئے

محمد العیسی جیوش کمیٹی کے اجلا س میں صہیونیوں سے وفاداری کا دم بھرتے رہے
واشنگٹن (نیوز ڈیسک) سابق سعودی وزیر انصاف اور رابط العالم الاسلامی کے سربراہ محمد العیسی نے امریکامیں اسرائیلی لابنگ جماعت امیرکن جیووِش کمیٹی کے ویڈیو اجلاس میں شرکت کی اور کمیٹی کی اسرائیل اور مسلم ممالک کے درمیان تعلقات کے فروغ کی کوششوں کو سراہا، محمد العیسی نے کہا کہ جس دن سے انہوں نے رابط العالمی الاسلامی کی سربراہی سنبھالی ہے اسی دن سے مسلمانوں اور یہودیوں کے درمیان دوستانہ تعلقات کی استواری کو اپنا اہم ترین وظیفہ بنا رکھا ہے ،اسرائیل کی وکالت کرنے والے محمد العیسی نے مسئلہ فلسطین اور وہاں بہنے والے مسلم خون کا ذکر تک کرنا بھی گوارانہیں کیا،انہوں نے صہیونیوں کے ساتھ اپنی وفاداری کے علاوہ کسی دوسرے موضوع پر گفتگو نہیں کی۔