Raza Musani 
مقبوضہ بیت المقدس: اسرائیلی پولیس کی سرپرستی میں صیہونی آبادکار ایک بار پھر مسجد اقصیٰ کے احاطے میں گھس گئے اور عبادات انجام دیں۔ متعدد اسرائیلی آباد کار گروپوں کی شکل میں مراکشی گیٹ کے ذریعے مسجد اقصیٰ کے احاطے میں گھسے۔ اور پولیس کی حفاظت میں رسومات اور تلمودی دعائیں ادا کیں۔ رواں ماہ کئی بار صیہونی آباد مسجد اقصیٰ کی توہین کرچکے ہیں۔ مغربی کنارے کے شہر ہیبرون میں قابض فوجیوں نے ایک ایمبولینس پر گولیاں برسادیں۔گولیاں لگنے سے ایک فلسطینی شہید اور طبی عملے کا رکن زخمی ہو گیا۔ علاقے میں اسرائیلی آباد کاروں نے فلسطینیوں کی گاڑیوں کو بھی نقصان پہنچایا۔ان کے شیشے اور ونڈ شیلڈز کو توڑ پھوڑ دیا۔
