Raza Musani 
احمد آباد : بھارتی ریاست گجرات اسمبلی کے کانگریس سے وابستہ تین ارکان نے صدر دروپدی مرمو کو خط لکھا ہے جس میں ان سے گجرات حکومت کو یہ ہدایت دینے کی گزارش کی گئی ہے کہ وہ بلقیس بانو مقدمے کے 11مجرموں کی رہائی کاشرمناک فیصلہ واپس لے۔ غیاث الدین شیخ، جاوید پیرزادہ اور عمران کھیڑا والا نے بھارتی صدر کو لکھے گئے خط میں گجرات حکومت کے فیصلے کو شرمناک، غیر حساس اور حصول انصاف کی جدوجہد کرنے والوں کیلئے مایوس کن قرار دیا۔ غیاث الدین شیخ نے ٹویٹ کیا کہ گجرات حکومت نے بلقیس بانو اجتماعی عصمت دری مقدمے کے 11 مجرموں کی عمر قید کی سزا معاف کر کے سنگدلی اور غیر حساس ہونے کا مظاہرہ کیا ہے۔
