کرپٹ مافیا ہمارا سب سے بڑا دشمن ہے، وزیراعظم

اسلام آباد : وزیر اعظم عمران خان کا کہنا ہے کہ کرپٹ مافیا ہمارا سب سے بڑا دشمن ہے، جو کرپٹ نظام سے فائدہ لےرہا ہے ہمارے سامنے کرپٹ مافیا سے نمٹنے کا چیلنج ہے، تقریب سے خطاب میں وزیراعظم نے کہا کہ ہمیں مختلف چیلنجز کا سامنا ہے،تمام اہداف کو مکمل کرناہوگا، ہم نے رواں سال اہداف مکمل کیے تو آئندہ سال آسان ہوگا، آخری دو سال حکومت کے لیے بہت اہم ہیں، حکومت کی پرفارمنس سے ہم جیتیں گے ہم مشکل وقت سے نکل آئے ہیں، وزیراعظم عمران خان نے کہا ہے کہ 2018 میں حکومت ملنے کے بعد جتنا میں نے ان 3 برسوں میں سیکھا ہے زندگی میں کبھی اتنے کم وقت میں اتنا زیادہ نہیں سیکھا کیوں کہ سب سے زیادہ مشکل وقت یہ تھا ، انسان کا امتحان ہی مشکل وقت میں ہوتا ہے، میں نے مشکل وقت میں پوری کابینہ کو دیکھا ہوا ہے اور تمام وزرا کو چیک کر رکھا ہے کہ مشکل پڑنے پر کس پوائنٹ پر کون کب گھبراجاتا ہے لیکن جتنا آپ مشکل وقت کا سامنا کرتے ہیں آپ کی مشکلات کا سامنا کرنے کی صلاحیت بڑھ جاتی ہے۔