Raza Musani 
بیجنگ : چین کے صدر ژی جن پنگ نے خبردار کیا ہے کہ ان کا ملک تائیوان کی آزادی کیخلاف طاقت کے استعمال سے بالکل گریز نہیں کرے گا۔ چینی صدر نے بیجنگ میں کمیونسٹ پارٹی کانگریس سے افتتاحی خطاب کیا۔ کانگریس میں انہیں تیسری بار پارٹی کا جنرل سیکریٹری منتخب کئے جانے کا امکان ہے۔ ژی جن پنگ نے چین تائیوان تنازعہ میں بیرونی طاقتوں کی مداخلت کی مذمت کی۔ اور کہاکہ چین کا مکمل اتحاد ضروری ہے اور اسے عملی جامہ پہنایا جائے گا۔ وہ کبھی بھی طاقت کے استعمال سے دستبردار ہونے کا وعدہ نہیں کریں گے۔۔ انہوں نے تائیوان میں علیحدگی پسندی اور مداخلت کے خلاف بڑی جدوجہد کا عزم کیا۔ اور کووڈ کے دوران پارٹی کی پالیسیوں کو سراہا۔ انہوں نے کہا کہ چینی خواب متحدہ قوم بن کر ہی حاصل کئے جاسکتے ہیں۔
