Raza Musani 
ماسکو: روس کے صدر ولادیمیر پوتین نے جنرل قاسم سلیمانی کے دہشت گردانہ قتل کو مغرب کی انتہائی خطرناک بین الاقوامی سازش کا حصہ قرار دیا ہے۔انہوں نے کہا کہ مغربی ممالک نے جنگ کے شعلے بھڑکانے اور پوری دنیا میں افراتفری کا بیج بونے والا ’خطرناک، خونی اور گندا جیو پولیٹیکل گیم شروع کیا ہے۔مغرب متمدن ہونے کا دعویٰ کرتا ہے لیکن اپنے فائدے میں مسلمہ اصولوں کو پامال اور معیاروں کو بدلتا رہتا ہے ۔روسی صدر نے جنرل قاسم سلیمانی کی عراق میں امریکہ کی جانب سے شہادت کا ذکر کرتے ہوئے کہا کہ مغربی ممالک نے تمام بین الاقوامی قوانین اور اصول وضوابط کو پامال کرتے ہوئے یوکرین میں بغاوت کروائی اور جنرل قاسم سلیمانی کا قتل کیا ۔ اور اس بات کا انہوں نے اعتراف بھی کیا کہ یہ کام ہم نے کیا ہے۔ یہ کیا چیز ہے! ہم کس دنیا میں زندگی گزار رہے ہیں! انہوں نے جنرل قاسم سلیمانی کو اس وقت دہشت گردانہ حملے کا نشانہ بنایا جب وہ ایک تیسرے ملک میں مہمان تھے۔
