Raza Musani 
صنعا: یمن کی نیشنل سالویشن حکومت کے وزیر خارجہ ہشام شرف نےکہا ہے کہ سعودی اماراتی اتحاد نہ صرف یمنی عوام کے مسائل کو حل کرنا نہیں چاہتا بلکہ صورتحال کو مزید بگاڑنے کی منصوبہ بندی کر رہا ہے۔انہوں نے کہا کہ جنگ بندی کے دوران، صنعا ایئرپورٹ اور تیل بردار جہازوں کے مسئلے کو کسی حد تک حل کیا گیا تھا جو کہ توقع سے کم تھا۔جارح اتحاد صورتحال کو جنگ اور امن کے بیچ میں لٹکائے رکھنا چاہتا ہے جسے یمن کی نیشنل سالویشن حکومت مسترد کرتی ہے۔انہوں نے کہا کہ یمن کی حکومت صرف اس راہ حل کو قبول کرے گی جس میں یمنی عوام کے معاشی اور اقتصادی مسائل کا حل موجود ہو۔انہوں نے سعودی اتحاد کو خبردار کرتے ہوئے کہا کہ ہم کسی بھی ہمسایہ ملک کو دھمکاتے نہیں، لیکن یمن کے قدرتی ذخیروں کے لوٹ مار کی جانب سے خبردار ضرور کریں گے۔
