Raza Musani 
غزہ : غزہ میں اسرائیل کی دو سالہ جنگ نے فلسطینی معیشت کو مکمل طور پر تباہ کر کے رکھ دیا ہے۔
اقوام متحدہ کی ایجنسی یو این کانفرنس آن ٹریڈ اینڈ ڈیولمپنٹ کی رپورٹ میں بتایا گیاہےکہ دو سال کے دوران اسرائیلی حملوں نے مقبوضہ فلسطینی علاقے میں بنیادی ڈھانچے کو نقصان پہنچایا۔ صنعتیں اور عوامی خدمات کے شعبے بھی تباہ ہوگئے۔ رپورٹ میں کہا گیا ہے کہ فلسطینی معیشت دو سال میں اب تک کے بدترین زوال کا شکار ہے۔ یہ معاشی بحران انیس سو ساٹھ کے بعد دنیا کے دس بدترین معاشی زوال میں سے ایک ہے۔
رپورٹ کے مطابق فلسطینی معیشت کی فی کس پیداوار2003 کی سطح پر واپس آ گئی ہے۔ مغربی کنارے کی گرتی معیشت کی بڑی وجہ اسرائیلی پابندیاں، آمد ورفت پر سخت کنٹرول ہے۔
جنگ بندی کے باوجود اسرائیلی حملے جاری ہیں جس سے معاشی بحالی کا کوئی امکان باقی نہیں رہا۔
