Raza Musani 
رباط: مراکش میں ہولناک زلزلے سے جانبحق ہونے والوں کی تعداد دو ہزار سے تجاوز کرگئی۔ جبکہ سینکڑوں افراد زخمی ہیں۔ ملک میں تین روزہ سوگ منایا جارہا ہے۔ مراکش میں آنیوالے زلزلے سے بڑے پیمانے پر تباہی ہوئی ہے۔ ہزاروں افراد ملبے تلے دب گئے۔ ریسکیو ٹیموں نے بیشمار لاشیں نکال کر اسپتال منتقل کیں جبکہ ملبے تلے دبے افراد کی تلاش تیز کردی گئی ہے۔ پہاڑی علاقوں میں دیہات اور قدیم شہروں میں مکانات اور عمارتیں ملبے کا ڈھیر بن گئیں۔ تاریخی اور سیاحتی شہر مراکش میں لوگوں نے رات سڑکوں پر گزاری۔ شاہ محمد ششم کی زیرصدارت اجلاس میں تین روزہ قومی سوگ کا اعلان کیا گیا۔ شاہ محمد ششم نے زلزلہ متاثرین کو رہائش، خوراک اور دیگر ضروریات فراہم کرنے کا بھی حکم دیا۔ شاہ محمد ششم نے فوجی حکام کو ہدایت کی ہے کہ متاثرہ علاقوں میں سرچ آپریشن شروع کریں اور امدادی ٹیمیں بھیجنے کے علاوہ سرجیکل فیلڈ ہسپتال بھی قائم کریں۔
