Raza Musani 
کابل : طالبان نے یونیورسٹی اسکالر شپ کیلئے دبئی جانے والی 100 طالبات کو روک دیا۔ متحدہ عرب امارات کے کاروباری گروپ کے بانی چیئرمین خلف احمد الحبطور نے لڑکیوں کو اسپانسر کیا تھا تاکہ وہ دبئی میں اپنی یونیورسٹی کی تعلیم مکمل کرسکیں۔ لڑکیوں کے فضائی ٹکٹ دبئی میں رہائش اور تعلیمی اخراجات کا انتظام کیا گیا تھا۔ خلف احمد الحبطور نے ایک ویڈیو پیغام میں کہا کہ انہیں یہ خبر سن کر بہت مایوسی ہوئی کہ طالبان حکام نے لڑکیوں کو کابل ہوائی اڈے پر طیارے میں سوار ہونے سے روک دیا۔ انہوں نے کہا کہ وہ بہت اداس ہیں کیونکہ طالبات دبئی نہیں پہنچ سکیں جہاں ان کی تنظیم نے مہینوں کی کوششوں کے بعد تمام اتظامات کئے تھے۔ انہوں نے کہاکہ یہ ایک گہرا المیہ ہے، جو انسانیت، تعلیم، مساوات اور انصاف کے اصولوں کے خلاف ایک دھچکا ہے۔
