Raza Musani 
کابل: طالبان نے وادی پنجشیر پر قبضے کا دعویٰ کردیا، طالبان نے دعویٰ کیا ہے کہ وادی پنجشیر کے تمام 34 اضلاع پر کنٹرول حاصل کرلیا ہے، اعلان فتح کے بعد کابل میں طالبان نے بھرپور جشن منایا، جھڑپوں میں سینکڑوں جنگجوؤں کی ہلاکتوں کی اطلاعات ہیں، مزاحمتی فورس نے طالبان کا دعوی مسترد کرتے ہوئے انہیں مختلف محاذوں پر گھیرنے کا دعویٰ کیا ہے، سابق افغان نائب صدر امر اللہ صالح کے تاجکستان فرار ہو نے کو بھی پروپیگینڈا قرار دیا اور کہا کہ وہ ابھی بھی پنجشیر میں موجود ہیں، فریقین کے درمیان ثالثی کیلئے سابق صدر حامد کرزئی نے کوششیں تیز کردی ہیں، انہوں نے کہا کہ جنگ واحد حل نہیں، اس سے افغانستان میں صورتحال مزید خراب ہوگی۔
