Raza Musani 
تہران : ایرانی بری فوج کی سالانہ مشقیں اقتدار 1401 کامیابی اور اہداف کی تکمیل کے ساتھ ختم ہوگئیں۔ صوبے اصفہان کے جنرل ملٹری زون میں کی گئی مشقوں کے دوران ایران نے پہلی بار دیسی ساختہ فتح 360 اور فجر 5 قسم کے میزائلوں کا کامیاب تجربہ کیا گیا۔ فتح میزائل کے بارے میں ان کا کہنا تھا کہ یہ میزائل اسٹریٹیجک اہداف کو نشانہ بنانے کی صلاحیت رکھتا ہے۔ ایرانی فوج کی گراؤنڈ فورس کے ڈپٹی کمانڈر بریگیڈیئر جنرل نوزر نعمتی نے کہا کہ فجر میزائل کی رینج 75 کلو میٹر (50 میل) ہے اور یہ 90 کلو گرام زیادہ دھماکہ خیز مواد کے ساتھ 175 کلوگرام فریگمنٹیشن وار ہیڈز لے جا سکتا ہے۔ مشقوں کے دوران ایرانی ماہرین کی تیارہ کردہ ہیوی اور الٹرا ہیوی گاڑیوں کے ذریعے کم ترین وقت میں ڈِرِل زون میں منتقل کیا گیا۔ بری فوج کے ایئر ونگ کے ہیلی کاپٹروں اور ریپیڈ ایکشن فورس نے موبلائیزیشن آپریشن انجام دیا جو اپنی پیچیدگی اور مہارت کے لحاظ سے حالیہ مشقوں کی بہترین کامیابی شمار ہوتا ہے۔ لڑاکا اور ہتھیار بند ڈرون طیاروں نے فرضی اہداف کو کامیابی کے ساتھ نشانہ بنایا اور اگلے مرحلے میں اپنی فوج کو فضائی شیلٹر بھی فراہم کیا۔
