طالبان پر اعتماد ان کے بیانات کے حقیقی نفاذ سے ظاہر ہو گا، وزیر خارجہ

اسلام آباد : وزیرخارجہ شاہ محمود قریشی نے کہا ہے کہ طالبان پر اعتماد ان کے اپنے بیانات کے حقیقی نفاذ سے ظاہر ہو گا انہیں انسانی حقوق، عالمی اقدار کا احترام کرنا ہو گا اشرف غنی حکومت افغانستان مین سب اچھا ہے کی تصویر پیش کر رہی تھی حقیقت ہے کہ وہ غلط بیانی کررہے تھے اور جھوٹ بول رہے تھے یہی وجہ ہے کہ وہ فوری طور پر سنَبھل نہ سکے اور گر گئے حتی کہ جب طالبان کابل میں داخل ہوئے تو انہیں کسی مزاحمت کا سامنا نہیں کرنا پڑا تین لاکھ تربیت یافتہ افغان جنگجو کہاں گئے؟ انہوں نے کہا کہ پاکستان اور افغانستان ہمسایہ ہیں طالبان قیادت کے حالیہ بیانات مثبت اور حوصلہ افزاء ہیں جلد طالبان اپنی خواہشات کا اعلان کر دیں گے عالمی برادری زمینی حقائق کا اندازہ لگا کر مستقبل کے راستے کا انتخاب کرے پاکستان افغانستان سے مسلسل رابطہ اور انگیجمنٹ پر زور دیتا ہے.