Raza Musani 
تل ابیب: مقبوضہ القدس میں راموت جنکشن پر فائرنگ سے چھ صیہونی آباد کار ہلاک اور بائیس زخمی ہو گئے۔ زخمیوں میں چھ کی حالت تشویشناک بتائی جاتی ہے۔ پولیس کا کہنا ہے کہ حملہ آوروں نے بس اسٹاپ پر انتظار کرتے لوگوں پر گولیاں چلائیں۔ عینی شاہدین کے مطابق ایک حملہ آور پولیس افسر کے بھیس میں تھا جس نے بس میں داخل ہو کر وہاں بھی فائرنگ کی۔
پولیس نے دونوں حملہ آوروں کو فائرنگ کرکے موقع پر ہی شہید کردیا۔
مزاحمتی تنظیموں نے اس حملے کو غزہ میں جاری درندگی کا جواب قرار دیاہے۔
ادھر صیہونی فوج نے صبح سویرے غزہ سٹی پر شدید حملے کرکے خواتین اور بچوں سمیت مزید بتیس فلسطینی شہید کردئے۔ بیشتر شہادتیں غزہ سٹی میں ہوئیں۔ جہاں صیہونی فوج نے ایک ہفتے میں کم از کم پچاس عمارتیں ملیا میٹ کردیں۔
