بھارت میں جنسی حملے اور جرائم، امریکی شہریوں کو بھارت سفر نہ کرنے کا مشورہ

واشنگٹن: امریکا نے اپنے شہریوں کو جرائم اور دہشت گردی کی وجہ سے ہندوستان کا سفر کرنے سے خبردار کیا ہے۔ نئی ٹریول ایڈوائزری میں امریکی محکمہ داخلہ نے انڈیا ٹریول ایڈوائزری سطح کو ایک سے 4 کے پیمانے پر کم کرکے 2 کردیا ہے۔ایڈوائزری کے مطابق ہندوستان میں حکام نے رپورٹ کیا کہ ریپ بھارت میں تیزی سے بڑھتے ہوئے جرائم میں سے ایک ہے، جنسی زیادتی جیسے پرتشدد جرم سیاحتی مقامات اور دیگر مقامات پر پیش آئے ہیں۔ دہشت گرد بہت کم یا بغیر کسی وارننگ کے حملہ کر سکتے ہیں، سیاحتی مقامات، نقل و حمل کے مراکز، بازاروں/شاپنگ مالز اور سرکاری سہولیات کو نشانہ بنا سکتے ہیں۔امریکی حکومت کے پاس مشرقی مہاراشٹر اور شمالی تلنگانہ سے لے کر مغربی بنگال کے دیہی علاقوں میں امریکی شہریوں کو ہنگامی خدمات فراہم کرنے کی محدود صلاحیت ہے کیونکہ امریکی حکومت کے ملازمین کو ان علاقوں میں سفر کرنے کے لیے خصوصی اجازت حاصل کرنی ہوگی۔