Raza Musani 
کوئٹہ : سیکیورٹی فورسز کی کارروائیوں میں 6 دہشت گرد مارے گئے جبکہ 8 کو گرفتار کرلیا گیا، تفصیلات کے مطابق ایف سی بلوچستان نے خاران میں دہشت گردوں کی موجودگی پر انٹیلی جنس بیسڈ آپریشن کیا، جیسے ہی سیکیورٹی فورسز نے علاقے کو گھیرے میں لیا ، دہشت گردوں نے ٹھکانے سے بھاگنے کے لیے فائرنگ کردی، فائرنگ کے تبادلے کے دوران 6 دہشت گردمارے گئے، فورسز نے علاقے سے بڑی مقدار میں اسلحہ اور گولہ بارود کا ذخیرہ بھی برآمد کرلیا، ادھر سی ٹی ڈی نے پنجاب کے مختلف علاقوں میں کارروائیوں کے دوران 8 دہشت گردوں کو گرفتار کرلیا، لاہور سے4 دہشت گردوں کو گرفتار کیا گیا، جن کا تعلق کالعدم دہشت گرد تنظیم سے ہے، شیخوپورہ سے 2 جبکہ حافظ آباد اور گوجرانوالہ سے ایک ایک دہشت گرد کو گرفتار کیا گیا، دہشت گردوں کے قبضے سے بارودی مواد، اسلحہ اور بم بنانے کا دیگر سامان برآمد ہوا ہے۔
