Raza Musani 
عمان : سعودی عرب نے مشرق وسطی میں فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی کو 2 کروڑ 70 لاکھ ڈالر کا عطیہ دیا ہے۔ یہ رقم فلسطینی علاقوں میں ریلیف اینڈ ورکس ایجنسی کے مختلف فلاحی کاموں میں استعمال کی جائے گی۔اردن میں سعودی سفیر نایف السدیری نے اقوام متحدہ کی ریلیف اینڈ ورکس ایجنسی کے ساتھ ایک مفاہمتی یادداشت پر دستخط کئے ہیں۔ ریلیف اینڈ ورکس ایجنسی کے انڈر سیکریٹری جنرل فلپ لازارینی اور فلسطین لبریشن آرگنائزیشن کی ایگزیکٹو کمیٹی کے رکن اور سربراہ ڈاکٹر احمد ابو ہولی موجود تھے۔ سعودی عرب کئی دہائیوں سے فلسطینی پناہ گزینوں کی امداد کے لیے سرفہرست عطیہ دہندگان میں سے ایک ہے۔اقوام متحدہ کی ریلیف اینڈ ورکس ایجنسی کی جانب سے خطے میں موجود 56 لاکھ فلسطینی پناہ گزینوں کے لیے مختلف خدمات فراہم کی جارہی ہیں۔
