روس نے شام میں باغیوں کے علاقے میں امدادی پروگرام کی توسیع کو ویٹو کر دیا

نیویارک : روس نے شام میں باغیوں کے زیر کنٹرول علاقے میں امدادی پروگرام کی توسیع کو ویٹو کر دیا۔ سوئٹزرلینڈ اور برازیل نے امدادی پروگرام کی مدت میں نو ماہ کی توسیع کیلئے اقوام متحدہ کی سلامتی کونسل میں قرارداد پیش کی تھی۔ کونسل کے 13 ارکان نے قرارداد کے حق میں ووٹ دیا جبکہ چین نے ووٹنگ میں حصہ نہیں لیا۔ روس نے قرارداد کو ویٹو کردیا۔ روس نے شام میں امدادی پروگرام کو 6 ماہ جاری رکھنے کی تجویز پیش کی جو منظور نہ ہوسکی. اقوام متحدہ میں روسی سفیر نے کہا کہ اگر ہماری تجویز کی حمایت نہیں کی جائے گی تو ہم کراس بارڈر میکنزم بند کردیتے ہیں۔ امریکی سفیر تھامس گرین فیلڈ نے روسی ویٹو کو انتہائی ظلم قرار دیا اور کہا کہ ہم تمام کونسل ارکان کے ساتھ اس امدادی آپریشن کی تجدید نو کےلیے کام کرتے رہیں گے۔ امدادی پروگرام کے تحت اقوام متحدہ ترکیہ کے راستے شمال مغربی شام میں 40 لاکھ افراد کو مدد فراہم کرتا ہے۔