عراق میں ترکی کے فوجی اڈے اور امارات کی گیس کمپنی پر راکٹوں سے حملہ

بغداد : عراق کے شمال میں ترکی کےغیر قانونی فوجی اڈے پر ایک بار پھر حملہ کیا گیا۔ یہ حملہ ترک فضائیہ کی عراق کے اندر بمباری کے جواب میں کیاگیا,رپورٹ کے مطابق صوبے دہوک کے علاقے العمادیه میں ترک فوجی اڈے بامرنی کو راکٹوں سے نشانہ بنایا گیا ہے۔حملے سے چند گھنٹے قبل شمال میں عرب امارات کی گیس کمپنی کی تنصیبات پر بھی راکٹوں سے حملہ کیاگیا تھا۔ حملے میں کئی افراد زخمی ہوئے۔ابھی تک کسی فرد یا گروہ نے اس حملے کی ذمہ داری قبول نہیں کی ہے، تاہم ماضی میں ہونے والے حملے ملک کی مزاحمتی فورسز کے جارح غیر ملکیوں کو انتباہات کے بعد ہوتے رہے ہیں۔اس سے قبل بھی عراق میں ترکی کے فوجی اڈے کئی بار راکٹ حملوں کا نشانہ بن چکے ہیں۔ غیرملکی فوجیوں کی غیرقانونی موجودگی سے ناراض عراق کی مزاحمتی تنظیموں نے اب امریکی دہشتگردوں کے ساتھ ساتھ ترکی کے فوجیوں کو بھی نشانہ بنانا شروع کر دیا ہے۔