بھارتی ریاست بہار میں ہندو اانتہا پسندوں کا فساد، مسجد پر حملہ

سیوان : بھارتی ریاست بہار کے ضلع سیوان میں مسجد کے سامنے یاتروں کی اشتعال انگیزی سے کشیدگی پھیل گئی۔ سیوان میں ہندو یاتریوں نے مہاویری اکھاڑا شبھ یاترا نکالی۔ یاتریوں نے مسجد کے سامنے پہنچ کر جے شری رام کے نعرے لگائے اور پتھراؤ کیا۔ مسجد پر حملے کی اطلاع پر مسلمان بھی جمع ہوگئے اور فساد شروع ہوگیا۔ جھڑپوں میں پولیس اہلکاروں سمیت بارہ افراد زخمی ہوگئے۔ مسلح ہندو انتہا پسندوں نے مسلمانوں کی املاک پر حملے کئے اور انہیں آگ لگادی۔ کئی دکانوں میں توڑ پھوڑ کی گئی پولیس نے بیس لوگوں کو گرفتار کر لیا ہے۔ علاقے میں پولیس دستے تعینات ہیں۔