Raza Musani 
ماسکو : امریکی دباؤ مسترد کرتے ہوئے ایران اور روس نے گیس کے شعبہ میں ساڑھے 6 ارب ڈالر کا معاہدہ کرلیا ایک سینیئر ایرانی اہلکار کا کہنا ہے کہ روسی توانائی کمپنی گیزپروم کے ساتھ مفاہمتی یاداشت کو باقاعدہ معاہدے میں تبدیل کیا گیا ہے۔اقتصادی سفارت کاری کے نائب وزیر خارجہ مہدی سفاری نے کہا کہ 40 ارب ڈالر کی باقی ماندہ یادداشت کو اگلے ماہ معاہدوں میں تبدیل کر دیا جائے گا،نیشنل ایرانی آئل کمپنی (NIOC) اور گیزپروم نے جولائی میں 40 ارب ڈالر کی یادداشت پر دستخط کیے تھے جس دن روسی صدر ولادیمیر پیوٹن اپنے ایرانی اور ترک ہم منصبوں کے ساتھ ایک سربراہی اجلاس کے لیے تہران پہنچے تھے۔معاہدے کے تحت گیز پروم کیش اور نارتھ پارس گیس فیلڈز سمیت 8 آئل فیلڈز کی ترقی میں NIOC کی مدد کرے گا۔ روسی گیس پروڈیوسر مائع قدرتی گیس کے منصوبوں کی تکمیل اور گیس برآمد کرنے والی پائپ لائنوں کی تعمیر میں بھی شامل ہوگا۔
