Raza Musani 
ماسکو: روس نے یوکرین جنگ کیلئے سابق افغان فوجیوں کی بھرتی شروع کردی۔ افغان اسپیشل فورسز کے اہلکاروں کوڈیڑھ ہزارڈالر ماہانہ کےعلاوہ فیملی سمیت محفوظ پناہ گاہوں کی پیشکش کی گئی ہے۔یہ انکشاف تین سابق افغان جرنیلوں نے امریکی نیوز ایجنسی سے گفتگو میں کیا۔ انہوں نے بتایا کہ بھرتی کی قیادت روسی کرائے کی فورس ویگنر گروپ کر رہی ہے۔ بھرتی اس وقت شروع ہوئی جب روسی افواج یوکرین کی فوجی پیش قدمی کی وجہ سے پسپائی اختیار کر رہی تھیں۔ افغان اسپیشل فورسز کے فوجی امریکی فوجیوں کے شانہ بشانہ لڑے اور امریکی انخلاء کے بعد فرار ہو گئے تھے۔ امریکی محکمہ دفاع کے سینئر اہلکار نے بتایاکہ بھرتی حیران کن نہیں ہے کیونکہ ویگنر کئی دوسرے ممالک میں فوجیوں کو بھرتی کرنے کوشش کر رہا ہے۔
