Raza Musani 
تہران : ایران نے خبردار کیا ہےکہ خلیج فارس اور آبنائے ہرمز میں امریکا کی اشتعال انگیز پالیسیوں اور اقدامات کے سنگین نتائج برآمد ہوسکتے ہیں۔ ایرانی وزیر خارجہ عباس عراقچی نے اپنے چینی ہم منصب وانگ یی سے ٹیلیفونک گفتگو میں خطے کی تازہ صورتحال پر تبادلہ خیال کیا۔ انہوں نے کہا کہ خلیج فارس اور آبنائے ہرمز میں امریکا کی اشتعال انگیز پالیسیوں سے علاقائی صورتحال مزید پیچیدہ ہو جائے گی۔
آدھر وزارتِ خارجہ کے ترجمان اسماعیل بقائی نے کہا ہےکہ ایران کو ناکا بندی کے ذریعے دبایا نہیں جا سکتا۔ اگر مسائل مذاکرات کے بجائے دباؤ کے ذریعے حل کرنے کی کوشش کی گئی تو اس کا کوئی نتیجہ نہیں نکلے گا۔ ترجمان نے خبردار کیا کہ امریکا کا یہ اقدام نازک جنگ بندی کو خطرے میں ڈال سکتا ہے اور ایرانی مسلح افواج صورتِ حال پر مکمل نظر رکھے ہوئے ہیں اور ضرورت پڑنے پر مناسب جواب دیا جائے گا۔
