نئی دہلی میں قدیم مزید دو مساجد گرانے کی تیاری

دہلی : ہندوستان کے دارالحکومت نئی دہلی میں برسوں قدیم مزید دو مساجد گرانے کی تیاری کرلی گئی۔ ریلوے نے دہلی کی دو مساجد بنگالی مارکیٹ اور آئی ٹی او میں واقع تکیہ ببر شاہ کی انتظامیہ کو نوٹس دیا ہے اور ہدایت دی ہے کہ ریلوے کی زمین پر بنی دونوں مساجد کو 15 دن میں ہٹادیا جائے ورنہ انہیں منہدم کردیا جائے گا۔ نوٹس کے مطابق ریلوے کی زمین پر ناجائز قبضہ کیا گیا ہے۔ آپ اس نوٹس کے 15 دن کے اندر ریلوے کی زمین پر تعمیر شدہ غیرمجاز عمارت کو رضاکارانہ طور پر ہٹا دیں، بصورت دیگر ریلوے انتظامیہ کارروائی کرے گی۔ نوٹس کے مطابق ریلوے ایکٹ کی شق کے مطابق ناجائز تجاوزات کو ہٹایا جائے گا۔ اس عمل کے دوران کسی بھی نقصان کے لیے آپ خود ذمہ دار ہوں گے۔ ریلوے انتظامیہ ذمہ دار نہیں ہوگی۔ مسجد کمیٹی کا کہنا ہے کہ یہ سینکڑوں سال پرانی مسجد ہے لیکن ریلوے کہہ رہا ہے کہ یہ ان کی زمین پر بنائی گئی ہے۔ مسجد تکیہ ببر شاہ کے سیکریٹری عبدالغفار کے مطابق یہ مسجد تقریباً 400 سال پرانی ہے۔