غزہ سٹی پر قبضے کا منصوبہ تباہی کا سبب بنے گا، او آئی سی

جدہ : اسلامی تعاون تنظیم نے کہاہے کہ غزہ سٹی پر قبضے کا اسرائیلی منصوبہ نسل کشی ، تباہی، فاقہ کشی اور نقل مکانی میں اضافے کا سبب بنے گا۔ او آئی سی نے ایک بیان میں کہا کہ اسرائیلی جرائم بین الاقوامی انسانی قانون کی صریح خلاف ورزی ہیں اور اقوام متحدہ کی متعلقہ قراردادوں اور عالمی عدالت انصاف کی مشاورتی رائے کیلئے کھلا چیلنج ہیں۔ او آئی سی نے اقوام متحدہ کی سلامتی کونسل سے مطالبہ کیا ہے کہ وہ ایک جامع اور دیرپا جنگ بندی کے نفاذ کے لیے اپنی ذمہ داریاں نبھانے کے لیے فوری اور فیصلہ کن اقدام کرے۔ غزہ کے تمام حصوں میں انسانی امداد اور بنیادی ضروریات کی مناسب اور بلاروک ٹوک رسائی کو یقینی بنائے، فلسطینی عوام کوموثر بین الاقوامی تحفظ فراہم کرے اوراسرائیل کی جانب سے ضروری اقدامات کو ختم کرنے کے لیے ضروری اقدامات اٹھائے۔